بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

 شمبے 2007/12/15

ڈیرہ بگٹی ءَ گیس پائپ لائن گوں بمب ءَ تباہ

 میران بگٹی

ڈیرہ بگٹی ءَ  پیر کوہ ءَ چھ سوئی گیس پلانٹ ءَ رووکیں  بیست ءُ شش انچ ءِ مزنیں  پائپ لائن نامعلومیں مردماں  دوشی پیش بوگی ءِ دمگ ءَ گوں بمب ءَ تباہ کتگ ءُ گیش فیلڈ ءَ چھ سوئی گیس پلانٹ ءَ گیس بند بوتگ۔

ڈیرہ بگٹی ءَ گیس پائپ لائن ءِ تباہی ءِ ذمہ واری بی آر اے ءَ قبول کت

پاکستانی ھکومت ءِ نیمگ ءَ چھ بلوچستان ءَ  پنجابی آبادکاری ءِ پروجیکٹانی سرا کاربنگیجی ءَ رند بلوچستان ءَ ڈیرہ بگٹی ءِ دمگاں بلوچ سرمچاراں بلوچستان ءِ کماشیں سیاستکار ءُ راہ دربر نواب بگٹی ءِ سروکی ءَ   پاکستانی زوراکیں ھکومت ءِ دیم ءَ سلاہ بندیں جھد بنا کت۔ نواب بگٹی ءَ وت اے سلاہ بندیں جھد ءِ گوں وتی سر ءُ ساہ ندر کت انت ءُ ھچ وڑیں پدکنزی نہ منْ اِت۔ نواب بگٹی ءِ شہادت ءَ رندءَ پنجابی سرکار ءُ ماں بلوچستان آئی ءِ پگارواریں دلالانی ھمے امیت بوتگ کہ بلوچستان ءَ  آ وتی قبضہ گیری زوت گیشتر ءُ مُھرتر کن انت بلے نواب بگٹی ئے ھمک کاراں بلوچ دود ءُ راہ بندانی پدءَ وتی سرمچاری ءِ فلسفہ برجاہ داشتگ ءُ لکھانی ھساب ءَ رمب اِتگیں  پنجابی فوج ءِ دیم داشتگ ءُ بلوچ ءُ مال ءُ مڈیاں  ءُ بلوچ سرڈگار ءَ رکینگ ئے جھد ءَ گلائیش انت۔  پنجابی فوج ءُ ھاکم  اے ھبر ءَ  باز ھیران کتگ انت کہ  بلوچ سرمچارانی ارش بلوچ گوریلا کمانڈر ءُ  ورناہیں راہ دربر میر بالاچ مری ءِ شہادت ءَ چھ رند  نیزور ترگ ئے جاہ ءَ گشادتر ءُ مھکم تر بوتگ۔

ڈیرہ بگٹی ءِ دمگاں پنجابی فوج ءَ انگت ءَ گیس لائن ءِ تباہی ءَ گوں اربانی کلدار ءِ تاوان ءَ ابید ھزارانی ھساب فوجیانی مرگ تاوان ھم بوتگ۔ اے دگہ گپے کہ ڈیرہ، کوھلو ءُ بلوچستان ءِ ایدگہ دمگاں  پنجابی فوج ءِ وارتگیں تاوان پاکستان ھکومت ءُ میڈیا مدام چیر دنت۔