بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

  پشمبے 2007/12/20

بلوچستان ءَ الیکشن بائیکاٹ ءُ عید ءَ احتجاجانی جار

یلان مری

بلوچستان فوجی آپریشن ، بمب گواری، ھزارانی بلوچانی دستگیری بے بیگواھی ءُ  سرمچارانی  شہادت ءِ جاوراں گوں بلوچ راج دوستیں پارٹی ءُ گلاں الیکشن بائیکاٹ ءُ عید ءَ احتجاجانی جار جتگ ءُ گشتگ کہ بلوچ پارٹی ءُ گلاں ھچ وڑا بے توار ءَ نہ نند انت ءُ اے الیکشناں ھر وڑا ناکام کن انت۔ اے ردا بلوچستان ءَ بلوچستان نیشنل پارٹی ءُ نیشنل پارٹی ءَ محمود خان اچکزئی ءِ راہ دربری ءَ اے پی ڈی ایم دستچیری ءَ بائیکاٹ ءُ احتجاج ءِ جار پرینتگ ءُ دومی نیمگ ءَ جے ڈبلیو پی، بی این ایم ءُ بی ایس او ءَ  پیسرا چھ اے الیکشنانی بائیکاٹ ءُ احتجاج ءِ جار پرینتگ۔ اے ردا تیوگیں بلوچستان ءَ سیاسی پارٹیاں گوں مھلوک ءَ دزبندی کتگ کہ آ وت ءَ ھر وڑا چہ اے الیکشن دور بدار انت۔اے پارٹی ءُ گلاں عید ءِ درگت ءَ ھم احتجاج ءِ جار پرینتگ۔