بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

    دوشمبے 2007/12/31

بلوچ راجی آزاتی ءُ وت واجہی ءِ جہد  برجاہ بیت ھر وڑیں قربانی ءَ تیاراں

بشام درازئی

 بی این  ایم سروک غلام محمد بلوچ تمپ بی ایس او ءِ یک سیمینار ئے ءِ گوں تران کتگ ءُ گشتگ کہ بلوچ راجی وت واجہی ءُ آزاتی ءِ جہد برجاہ بیت ءُ اے رد ءَ آ ھر وڑیں قربانی دیگ ئے ھاترا تیا ر انت۔ آئی ءَ گشت کہ نواب اکبر خان بگٹی ، نوابزادہ بالاچ مری ءُ ایدگہ بلوچ سرمچاراں قربانی پہ بلوچستان ءِ آزاتی ءُ بلوچ راج وت واجہی ءِ ھاترا داتگ۔ بلوچ وتی شہیدانی قربانیاں ھچ وڑا تاوان ءَ نئل ایت۔ اے سیمینار ءَ کریمہ بلوچ، بیبگر بلوچ، نصیر گچکی،عقیل بلوچ، پیر جان ءُ نبی بخش بلوچ ءَ ھم تران کتگ۔ گوں سیمینار تران کنوکاں زور داتگ کہ بلوچ ورناہ ءُ سیاسی پارٹی بلوچستان ءَ پاکستان ءِ زوراکیں ھاکمانی لٹ ءُ پلانی ھاترا برجاھیں فوجی آپریشن ءُ زلم ءُ زورانی پروش دیگ ئے ھاترا دیم ءَ بکنز انت۔ سیمنار ءَ گوں تران کنوکاں لوٹ کتگ کہ بلوچستان فوج آپریشن ھلاس کنگ بیت ءُ کلیں بیدیگیں ءُ بیگواھیں بلوچ جہد کار آزات کنگ بہ بنت۔