بلوچ گلزمین ءِ جارچین
وش آتکے
|
|
| |
بلوچ گلزمین ءِ جارچین |
| |
وش آتکے |
|
|
||||
|
| |
| | گوانک ٹیوب | | | لبزانک | | | نبشتانک | | | سرتاک |
| |
|
|
|
||||||||||
یک شمبے 09/12/2007 لالچ ءُ پاکستان: پت ءُ چُک یا چُک ءُ پت؟ میار ریکانی پاکستان ءِ سینٹ ءِ قائم مقام چئیرمین جان محمد جمالی ءَ گشتگ کہ پاکستان ءَ کرپشن ءِ جاور اِش انت کہ من ھم لالچ دایان ءُ وتی کاراں شر کناں۔ اے گپ ءُ تران آئی ءَ ھشت دسمبر ءَ اسلام آباد ءَ پاکستان ءِ قومی احتساب بیورو ءِ یک سیمینارئے ءِ تہا کت انت۔ آئی ءَ گشت من سینٹ ءِ قائم مقام چئیرمین ھم بے لالچ ءَ وتی کاراں شرکت نہ کناں۔ پاکستان ءَ سرکاری کارانی تہا لالچ، سفارش، دوزی ءُ بدفعلی نوکیں گپ نہ ینت بلے پاکستانی سینٹ ءِ قائم مقام چئیرمین ءِ ھم اے تصدیق ءَ گوں کہ آ ھم لالچ دنت ءُ وتی کاراں شر کنت اے ریاست ئے ناکامی ئے یک دگہ ثبوت ئے۔ نوں دیمتر ءَ چارگی انت کہ انٹرنیشنل میڈیا ءُ انسانی حقانی گل پاکستانی سینٹ ئے چیرمین ءِ اے گپ ءَ چے وڑ ءَ زُور انت۔ جان جمالی ئےاے تصدیق ءَ رند پاکستان ءَ زندگوازینگ ئے مانا ھمے بیت کہ بنی آدم پہ دوزہ ءَ روگ ءَ ٹریننگ کنگ ءَِ ھاترا یک ٹریننگ کیمپ ئے ءِ تہا زند گوازینگ ءَ انت۔ پرچہ کہ اسلام ءِ تہا لالچ دایوک ءُ زیروک ھر دویں دوزوکی انت۔ جان جمالی ءَ گوں وتی گپاں اے گپ پکا کت کہ آئی ءَ دوزک ءِ ٹیکٹ زرتگ بلے پہ بہشت ءَ دلمانگیں مردمانی جان ءَ اے جست ھر روچ چینڈگ پاچیت کہ آ اگاں لالچ مہ داینت ءُ گڈا چوں زند گوازینت کن انت؟ بلوچ دود ءُ ربیدگ کہ آ ھر وڑ ءَ چہ لالچ ءُ بد فعلی ءَ پاک انت۔ پنجابی کلچر ءُ رویتانی لالچ آماچیں زلمانی آماچ انت۔ ءُ بلوچ ھم دوزکیانی اے ٹریننگ کیمپ ءَ اغوا ءُ یرغمال انت۔ بلے بدین گپ اِش انت کہ اے ملک ءَ پنجابی فوج ءُ آئی ایس آئی ءَ انچیں نوکیں دود ءُ راہ بند ودی کتگ انت کہ وت ءَ را اسلام ءِ ھکیگیں واھند زاھر کنوکیں ملا ھم گناہ ءُ زلمانی دیم دارگ ئے جاہ ءَ پنجاب ءِ شیطانیں فوج ءِ دلاری ءَ کنگ ءَ انت۔ چو شمے پیم ءَ کدی کدی من ءَ ھم اے جست ءِ پسو دروھیت کہ باریں پاکستان لالچ ءِ چک انت یا لالچ پاکستان ءِ؟ من گشاں لالچ پاکستان ءِ چک انت۔ بلے منی پیرین اے گپاں نہ من انت۔ ءُ آ گش انت ناں پاکستان لالچ ءِ یک چک ئے۔ من پاکستان ءَ رند ودی بوتگ انت۔ بلے منی پیرین پاکستان ءَ ساری یک ملک ئے ءِ واھند بوتگ انت۔ من وتی گپاں راست پیشدارگ ھاترا وتی ملک ءَ پاکستانی فوج ءِ کارپدانی کسواں کاراں کہ آ ھر روچ گوں توپنگاں راہاں بند انت ءُ مردماں چے لالچ گر انت ءُ آھاں دیم ءَ رووگ ئے اجازت داینت۔ کدی کدی من وتی شہر ءِ پولیس ءُ ججانی مثالاں ھم دایاں کہ آ لالچ ءِ کاراں گوں سنگ ءُ شاھیم ءَ تور انت ءُ کن انت اگاں زرانی وزن سبک بہ بیت گڈا کیس ھم نیزور بیت۔ بلے منی پیرین منی اے گپاں گوشدار انت ءُ منی سرا کند انت۔ من گشاں اے لالچ بازاری پاکستان ءَ چھ رند مئے دمگاں اتکگ۔ آ منی اے گپ ءَ من ّ انت بلے گش انت کہ اے لازم نہ انت کہ ھر جاہ ءَ چُک ءَ پت ببارت۔ جاہے جاہے چُک ھم پت ءَ ببارت۔ من چہ وتی پیریناں چھ مثال لوٹاں کہ پاکستان اگاں لالچ ءِ چک انت گڈا چتور؟ آ من ءَ بس ھمیچو گش انت کہ لالچ ءَ محمد علی جناح لیڈرے کتگ آئی ءَ پاکستان وڑیں نوکیں ملکی ئے لالچ بوتگ۔ آئی ءَ انگریز ٹاھیتگ ءُ پاکستان اڈ کتگ۔ پدا اے لالچ گیشتر بوتگ پاکستان ءَ بلوچستان ءِ سرا ارش کتگ ءُ بلوچ گلزمین چہ بلوچاں پل اتگ وت ءَ را چہ لالچ ءُ پاکستان ھر دُکاں چھ برکین اِت شمے وشیں روچانی واھگ دار: میار ریکانی ریڈیو گوانگ سویڈن۔ |
|||||
|
|||||
|
|||||
|
|||||
