بلوچ گلزمین ءِ جارچین

وش آتکے

|

 Download Balochi Font and view Balochi text uniquely

|

یک شمبے 09/12/2007

پنجابی فوج ءِ آپریشن مرچی ھم برجاہ' بی آر اے ءِ ارش  چار فوجی بیران سھ ٹپیگ

میران بگٹی

 مرچی ھم پاکستان ءِ رستریں فوجی لشکرءَ بلوچستان ءَ بلوچ کشیں آپریشن برجاہ داشتگ ۔  پنجابی ھاکماں خاراں، کاھان ءُ ڈیرہ بگٹی ءَ سیزدہ سرمچار دستگیر کنگ ئے دعوی کتگ ۔ کاھان ءُ کوھلو ءِ دمگاں چھ ھال انت کہ پنجابی فوج ءَ بلوچانی عزت پادمال کتگ ءُُ گس گس ءَ پوترتگ ءُ مردم دستگیر کتگ انت۔ دومی نیمگ ءَ ڈیرہ بگٹی ءَ بلوچ ریپلکن آرمی  ءَ ٹوبہ نوکانی ءِ دمگ ءَ پنجابی فوج ءِ یک پک اپ گاڑی  ئے گوں  بمب ءَ تباہ کتگ۔ اے گاڑی ءَ پنجابی فوج ءِ انجئنر سوار بوتگ انت۔ دمگ ءِ مردمانی گشگ انت کہ اے ارش ءَ چھ چار فوجی مرتگ ءُ سھ ٹپیگ بوتگ۔ دومی نیمگ ءَ  پاکستانی فوج  ءَ جارچین ءَ گشتگ کہ اے ارش ءَ چھ  چار انجیئر ٹپیگ بوتگ۔ دمگ ءِ مردمانی گشگ انت کہ فوجیانی لاش  ءُ ٹپیگ پاکستانی ھیلی کواپٹراں پنجاب ءَ برتگ انت۔ بی آر اے جارچین سرباز بلوچ ءَ ھم کوئٹہ پریس کلب ءَ فون کتگ ءُ اے ارش ءِ ذمہ واری زرتگ ءُ گشتگ کہ اے ارش ءَ گوں پاکستانی فوج ءَ باز تاوان رستگ۔ سرباز بلوچ ءَ پاکستانی فوج ءِ بدیں کاران ءَ ڈوباراتگ ءُ گشتگ کہ پاکستانی فوج ءَ بلوچ سرمچاران رست نہ کنت ءُ  بے گناھیں بلوچانی گداناں پوتریت ءُ بے گناھیں مردماں گپت ءُ اذیت دنت۔

نوشکی ءَ چھ ھم ھال انت کہ فوجی کیمپ ءِ بمب ترکتگ ءُ اے بمب ءِ توار ءَ زمین جکسیتگ۔ بلے اے بمب ءَ چھ انگت ءَ ھچ وڑیں تاوان ءِ ھال نیست۔