بلوچ گلزمین ءِ جارچین
وش آتکے
|
|
| |
بلوچ گلزمین ءِ جارچین |
| |
وش آتکے |
|
|
||||
|
| |
| | گوانک ٹیوب | | | لبزانک | | | نبشتانک | | | سرتاک |
| |
|
|
|
||||||||||
شمبے 08/12/2007 مکران ءَ پاکستانی فوج ءِ آپریشن برجاہ کلاھو ءُ تمپ ئے زالبولانی تربت ءَ جلوس بشام دُرازئی پرْن دوشی گوربام ءَ کلاھو ءَ پاکستانی فوج ءَ بلوچ ئے دود ءُ راہ بند پال مال کتگ انت ءُ ماسٹر حامدعلی آئی ئے چاردہ سالی زہگ ءُ برات حمید ءِ پجیگ ءَ چہ آھانی گساں دستگیر کتگ ءُ نامعلومیں جاہاں برتگ انت۔ ماسٹر حامدعلی ئےلوگ بانک ءُ بلوچ جنین آدم جھدکارانی توار زی ءُ مرچی کلاھو، تمپ ، بالیچہ ءُ نزیکیں دمگانی جنین آدم ءُ چوریگاں جلوس کتگ ءُ تربت ایف سی کیمپ ءِ راہ ءُ کشک بستگ انت ءُ مردمانی دستگیری ءُ بلوچستان ءَ فوجی آپریشن ھلاس کنگ ئے لوٹ کتگ۔ ماسٹر حامد علی ئے لوگ بانک ءُ کلاھو ئے جنین آدماں گوں ریڈیو گوانک ءَ گپ جتگ ءُ گشتگ کہ پاکستانی پنجابی فوج گوں شش گاڑیاں ماسٹر حامد علی ئے گس ءَ پوترتگ ءُ جنین آدمانی سرا ھم دست دراجی کتگ ئی ءُ یک گوانزگی تپلیں زھگے چہ گوانگ ءَ کشتگ ڈن ءَ دور داتگ ئی۔ ماسٹر حامد علی ءُ آئی ئے زھگ ءُ برات ءَ را جان درائی ئے حالت ءَ دستگیر کتگ ءُ برتگ اش۔ اے زالبولاں اے ھم گشتگ کہ فوج ءَ آھانی گس ءَ چہ یک موٹر سائیکل ئے ءَ ابید گس ئے الماری پروشتگ انت ءُ سور ءُ زر ھم برتگ انت۔ ماسٹر حامد علی، آئی ئے زھگ ءُ برات ءَ رند آھانی گساں دگہ مردیں آدم نیست۔ پنجابی فوج ئے اے بدیں کاراں چہ رند مکران ءَ مھلوک باز دلسیا انت ءُ کس وتی عزت، جان ءُ مال ءَ محفوظ سرپد نہ بیت۔ ءُ پنجابی فوج ئے مثال نوں یک انچیں دُز ءُ ٹیک ئے ءَ چہ بد ترین کہ آ روچے یک گسی ءَ پوتریت، گس ئے جنین آدمانی سرا دست دراجی کنت، مردین آدماں اغوا کنت ءُ زر ءُ مالا ھم بارت۔ |
||||
