بلوچ گلزمین ءِ جارچین
وش آتکے
|
|
|
بلوچ گلزمین ءِ جارچین |
|
وش آتکے |
|
| |
| | گوانک ٹیوب | | | لبزانک | | | نبشتانک | | | سرتاک |
| |
|
یک شمبے 09/12/2007 بلوچستانءَ پاکستانی فوج ءِ آپریشن گشادتر، بمب ءُ تیر گواری
کاھان ءَ چار سد بلوچ گوں زالبولاں دستگیر یلان مری' شال مکران ءُ ڈیرہ بگٹی ئے ھواری ءَ پاکستان ءِ پنجابی فوج ءَ کوھستان مری کاھان ءِ دمگاں وتی بلوچ کشیں کارانی رواج گشادتر کتگ انت ءُ بلوچانی گدانانی سرا بمب ءُ تیر گواری کتگ ءُ چار سد ءَ گیش بلوچ گوں زالبولاں دستگیر کتگ انت۔پنجابی فوج ءِ اے رستری کارپداں چھ دمگ مردماں ءُ انجمن اتحاد مری ءَ گوں انسان دوستیں گلاں دزبندی کتگ کہ آ پاکستان ءِ فوج ءِ رستری کارپداں چھ بلوچانی رکینگ ئے ھاترا بلوچانی دزکمکی بکن انت۔ پنجابی فوج ئے اے کارپدانی تصدیق بلوچستان لبریشن آرمی ءِ جار چین بیبگر بلوچ ءَ ھم کتگ ۔ دمگ ِ مردمانی گشگ انت کہ پنجابی فوج ءِ بمب گواری ءَ چھ درزن ئے ءَ گیش زھگ ءُ جین آدم شھید کنگ بوتگ انت ءُ پنجابی فوج ءَ بلوچ دود ءُ ربیدگ پالمال کتگ انت ءُ بلوچانی گداناں پوترتگ ءُ چار سد ءَ گیش بلوچ ءُ گوں زھگ ءُ جنین آدماں دستگیر کتگ ءُ نامعلومیں جاھاں برتگ انت۔ کاھان چھ اے ھم ھال انت کہ پنجابی فوج ءَ اے دمگاں چھ پہ بلوچانی مال ءُ دلوت ھم پل اِتگ ءُ برتگ انت۔ کوھلو ءَ چھ گوانگ ءَ اے گپ پکا کتگ کہ بلوچ زالبول پنجابی فوج ءَ کاھان ءُ نزیکیں دمگانی فوجی کیمپ ءُ چوکیانی تہا داشتگ انت۔ مردمانی گشگ انت کہ پاکستانی فوج وتی رستری رگ ءَ کارا انت ءُ بلوچ زھگ ءُ جنین آدماں فوجی کیمپ ءُ چوکیانی تہا دارگ ئے یک مقصد اے ھم بیت کہ اے بے دلیں فوج بلوچ سرمچارانی راکٹ گواری ءَ اے چوکیانی سرا دارگ ءُ وت ءَ را رکینگ ئے ھاترا چش کنگ ءَ انت۔ چد ءُ پیش پنجابی فوج ءَ کلاھو تمپ ءُ دشت ئے دمگ ءَ مکران ھم انچیں کارپد پیشداشتگ ءُ کلاھو ءَ چھ یک ٹیچرے گوں زھگ ءُ برات ءَ دستگیر کتگ ءُ نامعلومیں جاھاں برتگ۔ دومی نیمگ ءَ پاکستان ءَ اے آپریشن ءِ تصدیق کتگ ءُ یک بیان ءِ شنگ کتگ ءُ گشتگ کہ اے آپریشن ءَ فوج کوھلو ءُ جعفرآباد ئے دمگاں ءَ توپنگ، تیر، راکٹ ءُ دستی بمب گپتگ ءُ ھفت سرمچار ھم دستگیر کتگ۔ چد ءُ ساری بلوچ ریپلکن آرمی جارچین سرباز بلوچ ءَ کوئٹہ پریس کلب ءَ فون کتگ ءُ اے گپانی تصدیق کتگ کہ ڈیرہ بگٹی ءَ گوڑی ئے دمگ ءَ بلوچ سرمچاراں پنجابی فوج ءِ یک دگہ فوجی ٹرک ئے گوں ریموٹ کنٹرول بمب ءَ نشانگ کتگ ءُ اے ارش ءَ گوں دو پنجابی فوجی رستر مرتگ ءُ نیم درزن ءَ گیش ٹپیگ بوتگ |
