بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

 دوشمبے 2007/12/11

لندن پولیس ءِ میر ھیر بیار مری ءِ سرا دھشتگردی بہتام

میار ریکانی

برٹس میڈیا ھال داتگ کہ برٹش پولیس ءَ میر ھیر بیار مری ءِ سرا دھشتگردی ءِ بھتام جتگ ءُ آئی ءَ چھ یک سلاھے ھم پچگرگ ئے دعوی کتگ۔

لند ن پولیس ءَ وتی وتی یک شنگ کتگیں بیانے ءِ تہا گشتگ کہ آ مرچی میر ھیر بیار مری ءُ آئی ءِ ھمراھی ءَ دستگیر کتگیں فیض بلوچ  ءَ لندن ءَ سٹی آف ویسٹ منسٹر مجسٹریٹس کورٹ ءَ پیش کنت۔ پولیس ءَ گشتگ کہ میر ھیر بیار مری ءَ یک انچیں سلاھے ھم دست کپتگ کہ آ گیس ءُ دگہ ترسناکیں چیزئے دُور بارت ءُ دور دات کنت۔

دومی نیمگ ءَ انسانی ھقانی گلاں میر ھیر بیار مری ءِ دسگیری ءَ رند برٹش سرکار ڈوبار اِتگ ءُ گشتگ کہ برٹش پولیس  پاکستان ءَ بالی گراب پندل کیس ءَ دستگیر کتگیں راشد رؤف ءَ را پاکستان ءَ  چھ انگلینڈ ءَ آرگ ئے ھاترا  پاکستانی  ھکومت ءَ وش کنگ ءِ ھاترا چش کنگ ءَ اِنت۔ پرچہ کہ انسانی ھقانی گل میر ھیر بیار مری ءَ بلوچستان ءَ پاکستانی زلم ءُ زوراکیانی ھلاف ءَ توار چست کنوکیں یک جھد کارے سرپدبنت۔

میر ھیر بیار مری ءِ دستگیری ءَ رند بلوچ جھد کار ءُ گلاں ھم برٹش سرکار ڈوبار اِتگ ءُ گشتگ کہ برٹش سرکار بلوچ کُشی ءُ بلوچستان ءَ چہ بلوچاں زبردستی پچگرگ ءِ کاراں گوں گولائیشیں  پاکستانی ھکومت ءُ آئی ءِ رسترکاریں فوج ءَ کمک کنگ ءَ انت۔