بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

 دوشمبے 2007/12/11

میر ھیر بیار مری ءُ ایدگہ بلوچ جھد کارانی آزاتی ئے ھاترا بلوچ زالبول ءُ جھدکاراں احتجاج کتگ۔

 دوستین رند '  کراچی

میر ھیر بیار مری ءُ ایدگہ  دستگیر ءُ بیگواہ کتگیں بلوچ جھد کارانی  آزاتی ئے ھاترا بلوچ زالبول ء۰ جھد کاراں  کراچی برٹش ھائی کمیشن ءِ دیم ءَ بلوچستان ءِ شھر ءُ دمگاں احتجاج کتگ۔

کراچی ءَ بلوچ زالبولاں میر ھیر بیار مری ءُ واحد قمبر ءُ بلوچ راہ دربرءُ جھدکاراں فوٹو ءُ پلے کارڈ دستاں چست کتگ ءُ برٹش سرکارءَ چھ لوٹ کتگ کہ آ بلوچستان ءَ فوج کشی ءُ زلم ءُ زوراکی برجاہ داروکیں پاکستانی سرکار ءِ دزکمکی ءَ بند بکن ءُ میر ھیر بیار مری ءُ فیض بلوچ ءَ آزاد بکنت۔ بلوچ اسٹوڈنس آرگنائزیشن ءَ ھم  برٹش ھائی کمیش ءِ دیم ءَ احتجاج کتگ ءُ یک یاتداشت ئے پیش کتگ ءُ لوٹ کتگ کہ برٹش ھکومت بلوچستان ءَ پاکستانی فوج ءِ رستر کاری بماریت ءُ گوں پاکستان ءَ وتی دزکمکی ءَ ھلاس بکنت ءُ  لندن ءَ دستگیر کتگیں میر ھیر بیار مری ءُ فیض بلوچ ءَ آزات بکنت۔

بی ایس او ءَ بلیدہ ھم احتجاج کتگ ءُ لوٹ کتگ کہ برٹش سرکار پاکستانی زالمیں فوج ءِ زوراکیاں بماریت ءُ  گوں پاکستان ءَ وتی دزکمکی ءَ ھلاس بکنت ۔