بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

 چارشمبے 2007/12/12

بلوچستان ءِ جھد پہ پہیلی ءُ کمانڈرانی شہادتءَ چھ ھلاس نہ بیت ۔ بلوچ سڑک ءُ ٹیوب ویل لوٹگ ءَ نہ ینت وتی ڈیھ ءِ آجوئی ءَ لوٹ انت ۔ نواب ھیر بکش مری

یلان مری ' شال

بلوچستان ءِ سرکماشیں راہ در بر نواب ھیر بکش مری ءَ گشتگ کہ  بلوچستان ءِ جہد پہیلی ءُ کمانڈرانی شہادت ءَ چھ ھلاس نہ بیت بلوچ سڑک ءُ ٹیوب ویل لوٹگ ءَ نہ ینت  پہ وتی ڈیھ ءِ آجوئی ءَ جنگ ءَ انت۔ نواب ھیر بکش مری ءَ گشت کہ بلوچستان ھما کلیں بلوچانی ڈیھ انت کہ آ بلوچستان ءَ ابید سندھ، پنجاب، افغانستان، ایران ءُ دگنیا ءِ ایدگہ دمگاں نشتگ انت۔ءُ کلیں بلوچاں پہ تپاکی وتی سرڈگار ءِ آجوئی ئے ھاترا جہد کنگ لوٹ ایت۔ نواب ھیر بکش مری ءَ گشت کہ ھک بے سلاہ بندیں جہد ءَ نہ رسنت۔پرامن جہد سردار اختر جان مینگل ءَ کنگ لوٹ اتگ بلے آ ھکومت گپتگ ءُ بندیگ کتگ۔ آئی ءَ گشت کہ پرامنیں جہداں ھکومت پادمال کنت ءُ ھلاس کنت بلے سلاہ بندیں جہد بھ ھلاس نہ بیت۔ نواب ھیر بکش مری ءَ خان قلات ءِ گرینڈ جرگہ ءُ بلوچستان ءِ کیس ءَ انٹرنیشنل کورٹ ءَ برگ ءِ بابت ءَ گشت کہ خان قلات بے توار بوتگ ءُ اے بے تواری ءَ چھ آئی ءِ سرا مردمانی بروسہ  ءَ تاوان وارتگ۔

نواب ھیر بکش مری ءَ گشت کہ آئی ءِ زھگاں اے زانت وت دربرتگ کہ پہ بلوچستان ءَ آھاں چھ کنگی انت ءُ چھ کنگی نہ انت۔ نواب ھیر بکش مری ءَ  گشت کہ پاکستان گوں نوکیں آباد کاراں بلوچستان ءَ بلوچانی پجار ھلاس کنگ لوٹ ایت۔ ءُ بلوچستان ءِ راجی زرمبشت بلوچستان ءَ ڈنی طاقتانی چشیں پندلانی دیم دارگ ءُ پہ بلوچستان ءِ آجوئی ءِ ھاترا انت۔ اے گپ ءُ تران آئی ءَ گند ءُ نند کنوکیں بلوچ ءُ ورنا ءُ ایدگہ مھلوک ءَ گوں کراچی ءَ وتی گس ءَ کت انت۔