بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

  دوشمبے 2007/12/31

بلاول بھٹو زرداری نوکیں سروک بے نظیر بھٹو قتل ءِ میان استمانی پول ءِ لوٹ کتگ

دوستین رند

پاکستان پیپلز پارٹی  ءَ وتی یک بنی دیوانے ءَ شور ءَ رند جار پرینتگ ات کہ بے نظیر بھٹو ءِ وصیت ءِ پدا آئی ءِ لوگ واجہ آصف علی زرداری ءَ را پارٹی سروک کنگی بوتگ بلے آصف زرداری پارٹی سروکی نہ زرتگ ءُ وتی بچ بلاول بھٹو زرداری پارٹی سروک نامیتگ۔ ءُ پارٹی ءِ دیوان ءَ اے شور کلیں باسکاں منّ اتگ۔پارٹی ءِ راہ دربراں یک پریس کانفریس ئے ءِ  تہا پارٹی ءِ فیصلہانی جار پرینتگ ءُ گشتگ کہ پارٹی پاکستان انوگیں الیکشناں بہر زور ایت۔ اے راہ دربراں گشت کہ پیپلز پارٹی بے نظیر بھٹو ءِ قتل ءِ پاکستانی تحقیقات ءُ پولءَ نہ منّ ایت ءُ میان استمانی پول ءِ لوٹ کنت۔

اے پریس کانفریس ءِ تہا گوں نواز شریف ءَ ھم دزبندی کنگ بوتگ کہ آ وتی الیکشن بائیکاٹ ءَِ ھلاس بکنت ءُ پیپلز پارٹی ءَ گوں کمکی بکنت تاکہ پاکستان ءَ چھ فوج ءُ مسلم لیگ ق ءِ ھاکمی ھلاس کنگ ببیت۔