بلوچ گلزمین ءِ جارچین
وش آتکے
|
|
|
بلوچ گلزمین ءِ جارچین |
|
وش آتکے |
|
| |
| | گوانک ٹیوب | | | لبزانک | | | نبشتانک | | | سرتاک |
| |
|
چارشمبے 2007/12/12 بلوچستان ءَ بلوچ سرمچارانی جوابی ارش
یلان مری/میران بگٹی/قمبر ریکی بلوچستان ءَ بلوچ سرمچارانی پاکستانی فوج ءِ سرا جوابی ارش بنا کتگ انت۔ مرچی سہب ءَ جعفرآباد ءَ پنجابی فوج ءِ یک فوجی گاڑی ئے گوں ریموٹ کنٹرول بمب ءَ نشانگ کنگ بوتگ۔ چم دیتیں مردمانی گشگ انت کہ اے ارش ءَ چھ فوجی گاڑی سرجم ءَ تباہ بوتگ ءُ گاڑی ئے جاور ءَ چھ ھمے زاھر بیت کہ اشی ءَ سواریں فوجیانی سلامتی امیت کنگ نہ بیت۔ دومی نیمگ ءَ پاکستانی ھکومت ءَ ھم یک بیان ئے شنگ کتگ ءُ گشتگ کہ جعفرآباد ءَ یک فوجی گاڑی ئے بلوچ سرمچاراں گوں ریموٹ کنٹرل بمب ءَ نشانگ کتگ ءُ فوجی گاڑی تبا بوتگ بلے پاکستانی فوج نیمگ ءَ چھ شنگ بوتگیں اے بیان ءِ تہا اے زاھر کنگ نہ بوتگ کہ اے ارش ءَ چھ مروک یا ٹپیگیں فوجیانی ھساب زاھر کنگ نہ بوتگ ۔ انگت ءَ اے ارش ءِ ذمہ واری کس ءَ نہ زرتگ ۔ بلوچ سرمچاراں ھم پاکستانی فوجی آپریشن ءِ گشادی ءَ رند وتی ارشانی تہا گشادی آؤرتگ ءُ پاکستانی فوج ءِ ھمراہ داری کنوکیں مردمانی دکان ءُ گسانی سرا ارشاں چھ ابید کوھلوءَ فوجی کیمپ ءِ سرا راکٹ گواری کتگ۔ مستونگ ءَ مسلیم لیگی راہ دربریے گس گوں بمب ءَ نشانگ کتگ ءُ اے بمب ءَ گوں یک مردم ٹپیگ بوتگ۔ خاران ءَ یک پنجابی آبادکاری دکان نامعلومیں مردماں آس مانداشتگ ءُ تباہ کتگ۔ ءُ رکھنی ءَ چھ ھال انت کہ نامعلومیں مردماں الیکٹرک ءِ دو کمبا گوں بمباں تباہ کتگ۔ |
|||||
