ھمے بابت ءَ

بلوچ

بلوچانی پُچ ءُ پوشاک، دُر ءُ سینگار، سور ءُ سانگ، ورد ءُ وراک، مردین آدمی ءُ جنین آدمی نام، لوگ ءُ جاہانی وڑ ءُ ڈول، ھِیران ءُ دَرپ، وشی ءُ گمانی درشان، سِلا ءُ ازباب،  جنگ ءُ کٌنّت ءُ اِے جنگ ءُ کٌنّتانی ہلاس کنگ ءِ راہ بنداں بگر تاں تیوگیں نند ءُ زند ءَ برو بلوچ چہ دگہ راجاں جتا ءُ گستا اِنت۔ بلوچ ءِ دود ءُ ربیدگ ءِ بُن ھِشت میار جلّیءُ مڑاداری سرءَ ایر اِنت۔

 بلوچ ءِ دود ءُ ربیدگی پجارءَ  بلوچ ءَ را چہ پنجابی، گجر، سندھی، پشتون، عرب ءُ دگہ راجاں چہ پھک ءَ جتا ءُ گستا داشتگ۔ بلوچ چاگرد ءَ جنین آدم ءُ مردین آدم ءِ ھک بروبر ءُ یک دومی ءَ گوں تپاکی ءِ سر ءَ ایر اًنت۔ ھو بازیں ھند ءُ دمگاں مردم اسلامی شریعت ءِ پد ءَ  ھم ھکاں بہر کن اًنت ءُ جنین آدمانی ھکان  وراًنت۔ بلے اِے جنجال ماں پاکستان ءَ پاکستانی ھاکماں ءُ ماں ایران ءَ ایرانی ھاکماں ودی کتگ۔  زمین ءُ زر ءُ مالانی  بہر کنگ ءِ ہمک سرکاری فیصلہءِ تہا جنین آدمانی ھک ورگ بوتگ اًنت۔ پر چہ کہ اِے ھر دویں ملکانی راہ ءُ بند در بلوچی دود اًنت۔ ءُ اِ ے دربلوچی دوداں چے بلوچاں باز تاوان چست کتگ۔ اِے ملکاں یک دگہ دربلوچی دودے اِے داتگ کہ بازیں ھند ءُ جاھاں بلوچ جنین آدم ھم چادر ءِ جاہ ءَ برقعہ سر ءَ کن اًنت۔

  بلوچ چاگرد ءَ لوگ ءَ پُتر تگیں کُشندہ ءَ ھون  ھم پہل کنگ بیت۔  

بلوچی دوچ

بلوچ چاگرد ءَ  پناہ ءُ کمک لوٹوکیں درامداں گوں ہم باز میار جلّی کن اٌنت۔ اِے رد ءَ بلوچاں ب وتی زمین ءِ سر ءَ پشتون، سندھی  ءُ وت بلوچاں چھ ابید، پنجابی، ءُ عرب ھم پناہ داتگ اٌنت۔اِے دگہ گپے کہ پنجابی ءُ عرباں کدی ھم بلوچاں گوں میار جلّی ءُ مڑاداری نہ کتگ ءُ مدام گوں بلوچاں دَگہ کتگ۔ پنجابیانی  دَگہ بازی مسل چہ خان کلات ءَ بِنا بنت ءُ  تا شھید نواب اکبر خان  نہ کٌٹ اًنت۔ءُ عرباں گوادر ءَ    پناہ زُرت بلے پدا  گوادر  بلوچاں نہ دات۔ 

گوانک