بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

  چارشمبے 2008/02/13

بلوچستان'  بلوچانی ارش برجاہ

یلان مری

بلوچستان ءَ  مرچی ھم بلوچاں وتی ارش برجاہ داشتگ انت ءُ خاران، مستونگ ءُ اوتھل ءَ پنجابیانی ھمراہ داری کنوکیں مھلوک ءُ سرکاری کارگسانی سرا گوں میزائل ءُ بمباں ارش کتگ۔ اوتھل ءَ فوجی  چیک پوسٹ ءِ سرا میزائل ارش بوتگ۔  خاران ءَ  ضلعی ناطم ءِ کارگس ءَ بمب ءِ ترک اتگ ءُ مستونگ ءَ پاکستانی الیکشناں بہر زوروکیں دو امیدوارانی الیکشن کارگس ءَ بمب ارش بوتگ ءُ کارگس تباہ بوتگ۔

چد ءُ  ساری  ھمے ھفتگ ءِ تہا خضدار ءَ ھم دو امیدوارانی الیکشن کارگس ءَ بمب ارش بوتگ ءُ اے ارش ءَ گوں ھفت مردم ٹپیگ بوتگ۔

اے ارشاں چھ ابید بلوچستان ءَ بی ایل اے، بی آر اے ءُ بی ایل ایف ءَ بازیں دمگاں پمپلیٹ ھم بہر کتگ ءُ  مھلوک ءَ الیکشنی چست ءُ ایراں چھ وت ء۹ را دور دارگ ءِ سوج کتگ۔

دومی نیمگ ءَ پنجابی فوج ءَ وتی رویت ھم برجاہ داشتگ ءُ کوہلو، کاہان ءُ ڈیرہ بگٹی ءِ بازیں دمگاں چھ نیم درزن ءَ گیش بلوچ دستگیر کتگ ءُ  نامعلومیں جاہاں برتگ انت۔ پنجابی فوج ءِ گشگ انت کہ اے بلوچاں چھ سلاہ ءُ بمب اڈ کنگ ءِ سامان ھم آئی ءَ گپتگ بلے دومی نیمگ ءَ مردمانی گشگ انت کہ پنجابی فوج ءَ نوں عادت کتگ ءُ ھردیں بلوچ سرمچارانی دست ءَ  لٹ وارت ء۰ جنَگ بیت گڈا وتی زھر ءَ  غریبیں مردماں دستگیر کنت ءُ کشیت۔