بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

شمبے 2008/02/16

بمب ارش : شش بیران ھشت ٹپیگ

یلان مری

بلوچستان ءَ ڈیرہ بگٹی ءَ چھ ہال انت کہ پاکستانی فوج ءِ یک گاڑی ئے بمب ءِ نشانگ بوتگ ءُ کم از کم سھ فوجی مرتگ ءُ چار ٹپیگ بوتگ۔ اے ارش کہ مرچی سہب ءَ بوتگ اشے ءَ گوں فوجی گاڑی ھم سرجم ءَ تباہ بوتگ۔ دومی نیمگ ءَ پاکستانی حکومت ءَ اے ارش ءِ تصدیق کتگ بلے گشتگ کہ اے ارش ءَ چھ  گاڑی تباہ بوتگ ءُ دو فوجی ٹپیگ بوتگ۔

زی نوشکی ءَ ہم یک بمب بلاسٹ ئے بوتگ ءُ  یک مردم ئے بیران ءُ دو ٹپیگ بوتگ۔ نوشکی پولیس ءِ گشگ انت کہ اے بمب نوشکی ءَ قادر آباد ءَ یک مسیت ئے ءِ نزیک بوتگ ۔ اے بلاسٹ ءَ چھ یک ورناہ ئے نوروز خان ولد نور محمد بیران ءُ  فضل ءُ طیب شاہ نامیں دو مردم ٹپیگ بوتگ انت۔

نصیر آباد ءَ چھ ہال انت کہ اودا پولیس ءُ فوج ءَ  شاہ نور ءِ دمگ ءَ کاروائی کتگ ءُ دو مردم کشتگ ءُ  دووازدہ مردم دستگیر کتگ۔ بلے انگت اے زاھر نہ انت اے مردم چونیں بوتگ انت۔

کوئٹہ ءُ قلات ءَ ھم دو بمب بلاسٹ بوتگ بلے اشاں چھ ھچ وڑیں تاوان ئے رپورٹ نہ بوتگ۔