بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

  شمبے 2008/02/02

میر ھیر بیار مری ءُ فیض بلوچ ءِ دیمتری پیشی بیست ءُ دو فروری ءَ

سمندر آسکانی

مری لندن بیلی کورٹ بلوچ جہدکار میر ھیر بیار مری ءُ فیض بلوچ ءِ پیشی گوں ویڈیو لنک ءَ بوت۔ سرکاری وکیل مرچی ھردویں جہدکارانی سرا برٹش سرکار بھتامان ثابت کت نہ کت ءُ چہ عدالت ءَ چھ بیست ءُ دو فروری ءَ تک گیشیں وہد لوٹ ات۔ وکیل  پاکستان ءَ بے نظیر بھٹو ءِ قتل ءُ جاورانی ھرابی  ءِ نیمون ءَ گوں عدالت ءَ چھ بیست ءُ دو فروری ءَ تک وھد پچ گپتگ ۔

دومی نیمگ ءَ بلوچ ایکشن کمیٹی ءَ لندن ءَ پہ میر ھیر بیار مری ءُ فیض بلوچ ءِ آزاتی ءِ ھاترا احتجاج کتگ ءُ برٹش سرکار ءَ را بھتام داتگ کہ آ پاکستانی فوج ءُ زوراکیں ھاکمانی دزکمکی کنگ ءَ انت ءُ  آھاں میر ھیر بیار مری ءُ فیض بلوچ ءِ دستگیری ءَ سیاسی دستگیری قرار دات ءُ لوٹ کت کہ برٹش سرکار پاکستانی ڈکٹیٹرانی کمک ءَ بند بکنت ءُ ھر دویں بلوچ جہدکاراں زوت آزات بکنت۔

ھودا پاکستان ءَ چھ ھال انت کہ پاکستانی پولیس ءَ کوئٹہ ءَ میر ھیر بیار مری ءِ گس ءَ آوار جتگ ءُ گسی سامان ءُ ازبابانی پروشت ءُ پروش  ءَُ ابید گس ءِ پانپا دستگیر کتگ ءُ برتگ۔

بلوچستان ءَ سیاسی جہدکار ءُ راہ دربراں پاکستانی پولیس ءِ سلیں کارپد ڈوباراتگ انت ءُ  گس ءِ پانپا ءِ آزاتی ءِ لوٹ کتگ۔