بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

  چارشمبے 2008/02/13

دری ٹَک بلوچ سرڈگار ءَ پُلگ لوٹ انت: نواب ہیر بکش مری

بشام درہ زئی

بلوچستان ءِ سرکماشیں راہ دربر نواب ھیر بکش مری ءَ گشتگ کہ دری زوراکیں ٹک بلوچ سرڈگار ءَ بلوچاں چھ پلگ ءِ  واستہ پندل سازگ ءَ انت۔ آئی ءَ گشت کہ سامراجی زوراکیں  ٹک بلوچستان ءِ زمین ءُ مال ءُ مڈیانی پلگ ءِ واستہ دیم ءَ کنزان انت۔ آئی ءَ  گشت کہ  من بالاچ بلوچ پہ بلوچستان ءِ  زمین ، بلوچ روایات ءُ بلوچ سرڈگار ءِ  مال ءُ مڈیانی امانتداری ءِ واستہ رودیتگ۔ ءُ  مرچی  بالاچ ءِ جہد ءَ گوں بلوچ جنین آدم ءُ زالبولانی ھواری پہ بلوچاں مزنیں دلبڈی ئے۔

نواب ھیر بکش مری ءِ اے تران گوں آئی ءِ یک نبشتانکے ءَ تربت ءَ بلوچ اسٹوڈنس آرگنائزیشن تمپ زون ءِ نیمگ ءَ چھ یک سیمینار ی تہا وانگ بوت ۔

نواب ھیر بکش مری  ءَ  گوں بلوچ ماتاں دزبندی کت کہ آ چو دودا ءِ مات وڑا بلوچ  سرڈگار ءُ اے سرڈگار مال ءُ مڈیانی رکینگ ءِ سوج ءَ بلوچاں سربکن انت۔ ءُ وابیں بلوچاں ھاگاہ بکن انت۔  آئی ءَ گشت کہ بلوچستان ءِ زمین جہد ء۰ قربانی لوٹ ایت ءُ بلوچ وتی ماتیں گلزمین ءِ رکینگ ءِ ھاترا وت ءَ را پہ جہد ءُ قربانی ءَ تیار بکن انت۔

نواب ھیر بکش مری ءَ پارلیمانی جہد ءُ سیاست ءَ را سَنٹ قرار دات ءُ گشت کہ بلوچ وتی ھکاں گوں پارلیمانی جہد ءَ  گپت نہ کن انت ءُ  پارلیمانی جہد بلوچاں گیشتر کمزور ءُ نیزور کنت۔