بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

 یک شمبے 2008/02/24

پاکستان پیپلز پارٹی ءَ بلوچستان ءَ زلمانی پھیلی لوٹ اتگ

دوستین رند

پاکستان ءَ انوگیں گچین کاریاں سوبین بوتگیں پارٹی پاکستان پیپلز پارٹی ءَ بلوچستان ءَ گوں بوتگیں زلم ءُ زورانی پہیلی لوٹ اتگ۔ اے پہیلی پاکستان پیپلز پارٹی ءِ راہ دربراں مرچی اسلام آباد ءَ گوں بلوچستان ءِ  الیکشن ءَ سوبین بوتگیں ممبراں یک دیوان ئے ءَ رند جار جتگ ءُ  لوٹ اتگ۔

اے بابت ءَ انگت ءَ بلوچ راہ دربرانی نیمگ ءَ چھ ھچ وڑیں پسو نہ یتکگ۔ بلے پاکستان پیپلز پارٹی ئے اے پہیلی ھم انگت ءَ گندگ ءَ نہ گیشتگ اتگ پرچہ کہ انگت ءَ اے پارٹی نہ حکومت ءَ انت ءُ  نہ پاکستانی  سروک  جنرل ریٹائرڈ مشرف ءِ بابت ھچ پدر کنگ ءَ نہ انت۔ کہ آ پاکستان ءَ گوں مشرف ءٍ پاگ واجہی ءَ حکومتی کنت یا مشرف ءَ  قبول نہ کنت۔

پاکستان پیپلز پارٹی ءِ راہ دربراں اے ھم گشتگ کہ آ گوں بلوچاں حق ءُ انصاف کن انت۔