دراجيـں مدتـے انـت که بـے لگاميـں ايرانـی جاســوس مـاں اينترنتـی پـڑ ءُ هاله ئيـں دگنياے ءَ گـوں بدنيتـی ءُ شوميـں مکسـداں، په بلوچانـی گٹ تـروس کنـگ ءَ گوں بلــوچ دژمنيـں فاشيستـاں همشــؤر ءُ همـزان انت. آهـاں پـه فاشيستيــں پارس ءِ اشـارت ءَ پدريــن ءُ زاهريــں دابـے ءَ چگلـی ءُ جاسوسـی کنگاينـت. بلـوچ سياسـی هوربنـد ءُ جهدکارانـی هــلاپ ءَ بهتام جـَنـَگ ءُ بے بنياتيـں هـال شنـگ کنـگ، بلوچ سياسـی جهدکـار، آشوبـی نـدکار ءُ ديمـروی پسنديـں نبشتـه کارانـی نام ءُ نشانانـی درگيجــگ ءَ اينترنــت اِش وتـی ازباب ءُ ميــدان جـوڑ کتـگ. گـوں چنـت فيلتـر نه بوتگيــں وبسايـت ءُ وبـلاگ ايران ءِ چگلـی اداره ءُ تروريستی سپاه قـدس ءِ « سايبـری جنـگ .»ءِ بهــرے انـت
ايران ءِ زهرکنيـں چـگل ءُ بـے لگاميـں اينترنتـی جاسوسـاں منـی باروا گوستگيـں چنت سالاں بازيـں دروگ ءُ رديـں هبر نبشتـه کتـگ. بيـد هـچ دليلـے مـاں گوستگيـں ماهـاں، هپـت بلوچ برات مـاں اينترنـتــی سايتاں نام گـِرکنـگ بوتگنـت کـه آهـاں محمـد کريم بلـوچ اَنــت. ايـران ءِ جاسـوس ءُ چگلـی اداره يانــی هبـر په بيــه دروگ انـت. گـوں اينترنتــی جاسوساں دپ جنگـی ءُ دژمان دَیَـکا منـی کـار نهنــت. اگاں چه « اطلاعات» ءُ «سپاه قـدس» وتـی چگلان ءَ په رديـں کار، بهتام جنگی ءُ اينترنتـی جنجال ءِ پيم کنگ ءَ دراج بنــد .کتـگ اَنــت بلئـے بزاننــت که يک په يک پاشـک بنــت ءُ هچبــر نتواننـت گـوں جاسوسی بلوچ ءِ آگاهـی ءُ بيـداری ءِ ديمپـان به بنــت
آهانـی وڑوڑيـں دروگ ءُ منـی باروا گـوں تکانســری ءَ جسـت ءُ پـرس ءِ ســوب ايش انـت: بلوچستــان ءِ مادنيـات ءُ کـُدرتـی مالانـی باروا منی پـٹ لوٹـی کار ءُ نبشته يـاں، بلوچستان باروا سياسـی نبشتانـک ، بلوچستــان ءِ شهيدانـی باروا نبيسـگ، تچکيــں وڑے ءَ بلوچستــان ءِ وت مستــری ( استقــلال ) ءُ آزاتـی ءِ باروا نبيسـگ ءُ دليـل آرگ، فاشيستيـں واکدارانـی بلوچ دژمنيـں سياســت ءُ آهانـی رستـری کاکـرد ءِ باورا تچکاتچــک نبيسـگ ءُ پارس فاشيسـم ءِ تهارپگــری، بدنيتــی، زرپرستــی، انسان دژمنـی ءُ بے تمدنـی ءِ باروا .ندکـاری انــت
.
لهتيـں چـه منی نبشتانکاں بلـوچستـــان وبلاگ ءِ ســرا ايـر انــت.
ايران ءِ زورانسريــں واکـداراں نه لوٹنـت که بلــوچ مهلـوک چه وتی گنجيـں بلوچستــان ءِ کـُـدرتی مــال ءُ مادنيــات ءَ سهـی ءُ سرپـد ءُ به بنـت. آ نه لوٹنـت که بلوچستـان ءِ کيلــگ ءُ کوچـگ ءُ زر ءِ باروا نبيســگ به بيـت. آ بلــوچ ءُ گنجيـں بلوچستـان ءَ وتيگــی کنـگ لوٹنـت. آ بلوچستان ءِ هاله ئيـں راجدپتـر بـزاں تاريـخءَ په کسـت چيردينــت يا که پارس پسنديــں دابے نبشتـه کنگ لوٹنـت. آ شهديـں بلوچـی زبان ءِ سـرا زهــرکـن ءُ کينگـی انـت. بلـوچ راج ءِ آجويـی ءُ بلوچستـان ءِ استـقـلال ءِ دژمـن انـت پرچـا کـه بيـد چه آوارجتگيــں بلوچستـان ءِ ايردســت دارگ ءُ پل ءُ پانـچ ءَ دلجمـی گپـے که انگريــز اڈکتگيــں « ايران » پروشيـت. گـڑا پـارس مهلــوک بايدانـت په وتی بـن پيروکـی هنکيــں بـزاں يـزد ءُ کرمـان ءُ اسپهــان ءِ پــٹ ءُ ريگــزار هـُـژنـود به بنـت. دگـرانـی سرزميـن ءُ مال ءِ سرا تاں «ابــد» تمـاه اِش مـه بيــت ءُ جاهلـی ءَ اَنـگار کننـت ءُ چـه دگنيــاءِ آزاتيــن ءُ ديما شتگيــں مردم يات بگرنــت که « تمــدّن » ءِ مانا چے انـت ءُ همسـاهگــی ءِ داب ( وڑ ءُ پيــم ) چـون انـت.آ بايدانـت به مـنّ انـت کـه دزآپ، نصرت آباد، محمــدآباد، بزمــان، دلـگان، بـم ءُ کرمان ءِ زرباری ( جنوبـی) بهــر، واش، شستــون، دزک، جالـک، نائـوگ، ســوران، مگــس، دهــوار،پهــره، آشــار، ايرکشـان، سربــاز، دشتيــاری، ڈمـّـن، بُـن پهــل ( بـُـن پـور)، گـِه، هيچـان، پنـوچ، بنـت، گيابـان، لاشـار، مينــاب، جاسـک، کنـرک، چهبـار، گلزميـن ءِ دراجيـں تيـاب، باهـکلات ءُ زرآباد بلوچانی هنکيــن انــت. همـا وڑ ءَ کـه رودراتکـی بلوچستــان بلـوچ ءِ ڈيـه ءُ هنکيــن انت. «غـَضـَنفر» ، «رجبعلی» يا که « تقی نقی» هچبـرمئـی ملک ءِ واهـُنــد بـوت وَ نکننـت. بلوچستــان ءِ آوارجنـگ، زوربـُـرد کنـگ ءُ بلــوچ ءِ مـال ءُ روزی ءِ پـل ءُ پانـچ گئيـر انسانـی ءُ گئيـر کانـودی کارکِــرد اَنـت. اگاں نه مـنّ انـت گـڑا بلوچستــان ءِ راجدپتــرءُ ميـان استمانـی کانــود ءُ رهبنــداں بچارنـت ءُ بواننــت.
ديراِنـت که هبـر چه هلـوت ءَ گوستـگ. بلـوچ ورنا روچ په روچ چه وتـی راجـی پجـّـار ءُ راجــی هکـّـاں گيشتـــرسرپـــد ءُ بيـداربيگاينـت. دگـه ايرانی چُگـُـل ءُ جاسوس ، سپاه قدس ءُ فارس فاشيستان بلوچ ءِ هک لوٹی ءِ کاروان ءِ ديمــا داشت کـت نکننــت. اے سرپديـں کاروان هــــزاراں شهيــــد ءِ هونانــی برکـــت ءَ اوشتارينگــی نهنــت ءُ ديــــم پـه وتـی آهــری منـزل بزان استقـــلال .بلـوچستــــــان گام جنان انـت
اداں اے گـپ گوشـگی انــت که اگاں مـاں آيوکيــں وهــد ءَ بلـوچ ندکـار، شائــر ءُ سياسـی جهـدکارانــی سـرا ماں بلوچستـان ، امـارات، يوروپـی ملـکاں، کانادا ءُ امريـکاءَ هـلگــرے به بيـت يا که آهانـی مـردم تاوانبـار به بنــت گـڑا ايران ءِ اينترنتـی چـُگــُـل «شريـک جُــرم» انــت. اے پجـاه آورتگيــں چگـل که پارس فاشيســم ءِ بـے لگاميـں پگــری گـلام انـت بلوچ دژمنيــں « اطلاعات» ءُ بـے .تمـــدنيـں « سپاه قدس» ءِ اردو ءَ هورانــت
پروشـت ءُ پـروش باتنــت ايران ءُ پاکستـان
آزات ءُ آبات بات گنجيـــں بلـوچستــــــــــان
محمـــد کريـم بلــوچ
۲نوامبــر ۲۰۱۱
