بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

  سھ شمبے 2008/1/8

بلوچستان: ھور ءُ گوات' سھ مردم بیگواہ۔

یلان مری

بلوچستان لبریشن آرمی ءِ جارچین بیبرگ بلوچ ءَ میڈیا ءِ کار گساں فون کتگ ءُ کوھلو دمگاں بازیں فوجی کشگ ءُ ٹپیگ کنگ ءِ دعوی کتگ۔  بیبرگ بلوچ ءَ  گشتگ کہ  تلی ءِ دمگ ءَ بلوچ سرمچاراں  پاکستانی فوج ءِ  دو فوجی گاڑی گوں بارودی سرنگاں تباہ کتگ ۔ آئی ءِ گشتگ کہ اے ارشاں گوں ھر دویں گاڑی  سرجم تباہ ءُ اے گاڑیاں سواریں فوجی کشگ ءُ ٹپیگ کنگ بوتگ انت۔  بیبرگ بلوچ ءَ اے ھم گشتگ کہ  بلوچ سرمچاراں یک دگے ارش ئے پاکستان ءِ پیادگیں فوج ءِ سرا کتگ۔ ءُ اے ارش ءَ گوں ھم بازیں فوجی ئے کشگ ءُ ٹپیگ کنگ بوتگ۔ بیبرگ بلوچ ءَ رکھنی کاھان روڑ ءَ الیکٹرک ءِ دو مزنیں ٹاور تباہ کنگ ءِ ذمہ واری ھم زرتگ۔

دومی نیمگ ءَ مچھ ءُ سبی ءَ دو بارودی سرنگانی زدا آؤکیں دو مردم مرتگ ءُ  پنچ ٹپیگ بوتگ۔ ٹپیگانی تہا گیشتر فوجی انت۔