بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

  یک شمبے 2008/1/6

سرمچارانی ارش برجاہ' ڈیرہ بگٹی ءُ کوئٹہ ءَ سھ بیران شش ٹپیگ

یلان مری

بلو چستان ءَ بلوچ سرمچاراں گوستگیں دو روچانی تہا چار جتائیں ارشاں گوں سھ فوجی کشتگ ءُ شش ٹپیگ کتگ۔ یک واٹرٹینکر ئے ءُ یک آپ چاتے ھم تباہ کتگ۔

ڈیرہ بگٹی ءَ بی آر اے ءَ وتی دو جتائیں ارشاں گوں یک فوجی گاڑی ئے ریموٹ کنٹرول بمب ءِ نشانگ کتگ۔ اے ارشاں گوں دو فوجی مرتگ ءُ چار ٹپیگ بوتگ ءُ گاڑی ھم سرجمی ءَ تباہ بوتگ۔ دومی ارش فوجیانی آپ چات ءِ سرا بوتگ ءُ  اے ارش ءَ گوں چات تباہ بوتگ۔ اے ھر دویں ارشانی ذمہ واری  بی آر اے ءِ جارچین سرباز بلوچ ءَ میڈیا ءِ کارگساں فون کتگ ءُ قبول کتگ انت۔ سرباز بلوچ ءَ گشتگ کہ بلوچ سرمچارانی اے ارشانی مقصد پاکستان قبضہ گیریں فوج ءَ چہ بلوچ سرڈگار ءَ ڈن ءَ کشگ انت ءُ دانکے پاکستان یک فوجی ئے بلوچ سرڈگار ءَ مان ایت بلوچ سرمچارانی ارش برجاہ بنت۔

دومی نیمگ ءَ  بی ایل اے ءِ متر سواراں کوئٹہ ءَ اشپینی روڑ ایف سی ءِ سھ نپر تیرانی نشانگ کتگ انت۔ اے ارش ءَ چھ یک ایف سی نپرئے مرتگ ءُ دو باز ٹپیگ بوتگ۔ اشے ءَ ابید کوھلو فوجی کیمپ سرا ھم راکٹ گواری بوتگ ۔ ءُ یک آپ ءِ ٹینکر ئے ھم تباہ بوتگ۔ اے سرشانی  ذمہہ واری بی ایل اے ءِ جارچین بیبگر بلوچ ءَ بی ایل اے ءِ نیمگ ءَ چھ میڈیا ءِ کارگساں فون کتگ ءُ قبول کتگ۔ بیبگر بلوچ ءَ گشتگ کہ بی ایل اے ءِ اے ارشانی  مقصد بلوچ سرڈگار ءَ پاکستانی بدیں واھگاں چھ رکینگ انت۔