بلوچ گلزمین ءِ جارچین
وش آتکے
|
|
|
بلوچ گلزمین ءِ جارچین |
|
وش آتکے |
|
| |
| | گوانک ٹیوب | | | لبزانک | | | نبشتانک | | | سرتاک |
| |
|
چارشمبے 2008/1/2 ساجد نور ءُ بی ایس او ءُ بی این ایم باسکاں پاکستانی کورٹ ءَ سھ سال قید ءِ سزا دات بشام درازئی
تربت ءَ یک پاکستانی عدالتی ءَ پسنی ءِ جرنلسٹ ءُ پسنی پریس کلب ءِ سروک ساجد نور ءُ بی ایس او آزاد ءِ سمیع اللہ ءُ فرید عیدو ءُ بی این ایم ءِ کپٹن رحیم داد ءُ راشد بلوچ ءَ را سھ سھ سال قید ءِ سزا داتگ۔ ساجد نور ءُ اے چاریں مردمانی سرا بھتام انت کہ اشاں پاکستان ءِ زوراکیں ھاکم جنرل مشرف ءُ آئی ءِ فوج ڈوبار اتگ ءُ ھبر ءُ بد کتگ۔ سمیع اللہ ءُ فرید عیدو عدالت ءَ پیش نہ بوتگ انت ءُ انگت ءَ دستگیر نہ بوتگ انت۔ پولیس ءَ ساجد نور، کپٹن رحیم داد ءُ راشد بلوچ دستگیر کتگ ءُ تربت جیل ءَ بندیگ کتگ انت۔ سمیع اللہ ءُ فرید عیدو ءَ وتی سرا اتکگیں سزا ءَ رند گشتگ کہ زوراکیں پاکستان ءِ عدالت ءِ اے سزا آھانی راج دوستی ءُ زلم ءُ زور ءِ دیمپانی ءِ جہد ءَ چھ جتا کت نہ کنت۔ ساجد نور ءُ اے جھدکارانی سرا اے سزا بلوچ جرنلسٹ ءُ جھدکاراں بد برتگ ءُ گشتگ کہ پاکستانی ھاکم وتی قبضہ گیری ءُ زلم ءُ زورانی برجاھی ءِ ھاترا بلوچ جھدکاراں سزا دائیگ ءَ گوں بلوچ راج ءَ پادتراپ دائیگ ءَ انت۔ بلے بلوچ راجی جہد ءُ بلوچ ئے راست گشی چہ چشیں سزا ءُ پادتراب نہ اوشت ایت۔ بلوچ جہد کار ءُ جرنلسٹاں انٹرنیشنل جرنلسٹ گل ءُ بنی آدمی ھکانی گلاں گوں اپیل کتگ کہ آ پاکستان زوراکیں ھاکمانی اے زلم ءُ زورانی دیمپانیں بلوچ جہد کار ءُ جرنلسٹاں کمک بکن انت۔ |
|||||
