20080606 Dated
-
بلوچ راجءِ دلءِ ارمان و
واھگانی رند و پدا ،" بلوچستان ءِ راجی زرمبش " ھمے زوتاں "
بلوچستان ٹی وی " ءَ بنگیج کنت ۔
-
-
مئے کوشش بیت کہ اے
تلویزیون ( ٹی وی ) بلوچ قومءِ راجی جھدءِ توار و پہ بلوچی زبان ،
فرھنگ و دود و ربیدگءِ پھریزگ و دیمرویءِ پڑ ءَ سکین و جھدے ببیت ۔
-
-
چہ راجی جھدکار ، قلمکار
و زانتکاراں مئے دستبندی انت کہ ماں اے راجی و قومی گرانیں کارءَ
گوں ما ھمکوپگ و ھمتوار ببنت ۔
-
-
" بلوچستان ٹی وی
" ءِ برنامہ ( پروگرام ) ھما وھدی براھدار و تامدار بینت کہ شما
زانتکار ، کواس ، جھدکار و راجدوستیں بلوچ ھور گوں وتی نیکیں واھگ
و سوجاں ، چہ بلوچستانءِ میتاپیں زید ، نیلبومیں زر ، کوہ و مچکدگ
و بلوچ راجءِ زندءِ درستیں تک و پھناتانی بابتءَ گزارش ( رپوٹ ) ،
فلم (
CD,DVD
) ویڈیو کلپ ھر پیم و وڑے کہ شمئے دستءَ ببیت ، پر ما راہ بدئیت ۔
-
-
" بلوچستان ٹی وی
" ءِ کمیٹی ھمے زوتاں ، برنامھانی بنگیج بیگ ءِ تاریخ ، روچ و وھدءِ
مستاگیءَ دنت ۔
-
-
بلوچستان ٹی وی
شمئے ( بلوچ راجءِ ) وتی توارانت ، پہ وتی ٹی وی ءِ
برنامھانی زیبناکتر و شرتر کنگءَ شمئے مدت و ھمکاریانی رھچار !
بلوچستانءِ راجی زرمبش
(Balochistan
National Movement-Iran)
بلوچستان ٹی وی ءِ کمیٹی
