| 03-July-2008 Zahedan
ایرانی حکومتءَ زاھدانءَ یک بلوچ ئے گس پروشت و تباہ کنگ بوت
زاھدانءَ احمد آباد رودکی روڈءَ حرمین شریفین مسیت نزیکا دو روچ ساریءَ
یک بلوچ ئے گس گون بلڈوزرءَ پروشگ تباہ کنگ بوت۔
چنت روچ پیسرا یک مردے وتا زاھدان ئے شھرء کار گسء ذمّوارین مردوم لیکیت
و ھمے گسء واھند کہ ناروئی ایت، گواشتی کہ شما یکصد سی میلیون تومان وامدار
ایت و اے گسء مالک زاھدان ئے میونسپلٹی انت، اگت شما حکومتء وامان مدہ ایت
گڈا شما چا گسّا درکنگ بئیت۔
دومی روچا صباحے وھدا ایرانی حکومت ئے واکداران لوگے واھُند در کت انت
و گسء پروشگ ءَ گلائیش بنت و ھمے درگتءَ کر و گوارے مردوم واکداران
پا گس ئے پروشگءَ دیم داری کن انت بلے حکومتی واکدار مردومانی گپان
ھچ گوش ندارنت و اے بلوچ ئے گسء پا بلوچ بؤاگ ء جرم ء پروشنت وتباہ کن
انت ۔
انون ھمے بلوچءَ یک ھمسائیگء زمینء سرا ٹینٹ جتگ وتی زھگانی سرا سایگے
پر داتگ۔
|
