دستونک

بلوچ گلزمین ءِ جارچین

وش آتکے

|

Download Balochi Font and view Balochi text uniquely

|

گوانک ٹیوب

|

لبزانک

|

|

|

دستونک کریم بلوچ ـ تَهل روس۔ ماسکو هَمُک ڈُکال ءِ رَند ءَ کَیت بهارے گُلامی ءَ چه پَد نوک روزگارے مدامی بَند و کُنٹ ءِ هم نه بیت زور شپ ءِ جنگ ءَ په دَرکیت شهسوارے پناه بیت په گَریب و سُهته روچاں گُهورتے ؛ شیر بیمے ؛ سرمچارے پدا ٹِک دنت اُمیت ءِ بامگواهے پدا جهدانی روشن بامسارے نبیت انت جان ءِ دُژمن امن گُں زور مدام هونانی رَند کیت آسگوارے گَم ءِ کُٹیت هم زَهریں شَهمات پدا وَشی ءِ کیت پُل بویں وارے همے آجویی ءِ رُژن انت بَلیت دل پدا سوبانی گِرئند اِنت کَنت توارے شپ ءَ مِستاگے داتگ ما را بیلے چه زَهر و تُهل ءَ رَند کیت مهروارے کریم بلوچ ـ تَهل ۰۹/۰۳/۱۱ آدیسه - اک **** دَپتان - تفتان شهیدیں همبلاں عبدالرحیم رئیسی ؛ علیرضا ارشد حمانی ؛ ابراهیم اشکان و صادق رینکی ءِ یات و نام ءَ منی ڈگار ءَ سَک سر ءَ تو آزمان ءَ ماں تچوکیں بالی جَمراں مُش ئے تچوکیں جمرانی گوں جُڑاں هبر کن ئے منی ڈگار ءِ بُرزتریں چیدگ ئے چه پیڑیاں چم اِت روژنا دل اِت دریکگ انت تو لشکرانی آیگ ءَ ؛ و رُمبانی سردَیاں دیستگ انت پاهار اِت هم گواه انت اے دورو سوچوکیں هر لَوار ءَ سَرها تریں ساهگ ئے گوریچ ءِ هر ویلگردیں هونژگ ءَ تو گرمتریں پناه .....آرام و پُهته کاریں پیر ءِ داب ءَ نشتگ ئے * !دَپتان سر اِت چه پیڑیاں سپیت چَم اِت چه یکے آپ گِپتگ و جهان ءَ چارگ ئے .....بلوچ ءِ تو بدیں روچ ءَ دل وارگ ئے !دپتان وتی آزمان ءِ برانز شانیں اِستاراں تو بچار چم اِش چه ارس شُشتگ انت شَرم انت که نِشتَگ گُج و گُب اِش ترا ترپان کندگ انت دپتان کُجام وشنیاتک ترا ماں دپتراں کدیں نه کُرته پَج تئی چه راج ءَ سِستَگ اِش سراں بُرتگ اِش لَج نازانتی ءِ مَیار بوتگ چو ترا ........تئی واری کَشیں راج ءِ کَؤتر ءَ * !دَپتان چه پیڑیاں تو دور دور ءَ چارگ ئے گواتانی هال و شِیکگاں جان ءَ زانگ ئے و مارگ ئے بلوچ ءِ سُهتگیں ڈیه ءِ ٹَپ هر دَمان و کَتره ءَ نوک نوک بیت بلوچ بندی انت و ساه اِش گوات ءِ کوپگاں .....جهان انت شِنگ بَیاں !دَپتان بامگواه ءِ نرمکیں سمین ءِ تو دَمان چم پَچ بکن آزمان ءَ بَرکتانی رُژن شانیں اِستاراں تو بچار بارین منا په هالے نوکیں آزمان ءِ ماں پَڑ و پراهی ءَ اوداں که همبلانی یات مَنتگ چه شهید بیرکے چه آزمان ءِ رنگ دیست بیت ؟ * !دَپتان توئے سُچ ئے چو کوه گَم ءِ مناں سُچاں چه راج ءِ گَم منا وتی تو ساهگ ءَ بزور مناں چه تو جهان ءَ دور دور ترا په پیڑیانی ترانگاں .........نوک کناں کریم بلوچ ـ تَهل ۰۸/۰۲/۱۱ آستاخانف - اک. * - سَرها : : نه سارت و نه گرم . دلکش . وشیں مولُم . - پیڑی : : سَدی . سَد ( ۱۰۰ ) سال . * - کَؤتَر : : کَپوت . ** - ترانَگ : : یات . هَیال . گِير . گِیر آیگ . * * *