بلوچ گلزمین ءِ جارچین
وش آتکے
|
|
|
بلوچ گلزمین ءِ جارچین |
|
وش آتکے |
|
| |
| | گوانک ٹیوب | | | لبزانک | | | نبشتانک | | | سرتاک |
| |
|
آدینگ 2008/03/07 پہ بیگواھیں بلوچاں شد کشی ھڑتال دوستین رند/شاہ داد بلوچ
پہ بیگواہیں بلوچ جہدکارانی آزاتے ءِ ھاترا مرچی ھم تمپ، تربت ءُ کراچی ءَ بیگواھیں بلوچانی وارثاں شد کشی ھڑتال کتگ ءُ اے بلوچ جہدکارانی آزاتے ءِ لوٹ کتگ۔ اے شد کشی ھڑتال ءَ واحد قمبر، فضل کریم، فیض محمد ءُ محمد اقبال ءِ لوگ ءِ جنین آدماں بہر زرتگ۔ واحد قمبر، فضل کریم، فیض محمد ءُ محمد اقبال گوستگیں سال ءِ چاردہ مارچ ءَ پاکستانی فوج ءَ تمپ ءَ دستگیر کتگ انت ءُ اشانی دستگیری وت پاکستانی فوجی ھاکماں پانزدہ مارچ دوھزار ھفت ءَ روتاک ءُ ٹیلی ویزن ءَ زاھر کتگ۔ بلے روچ مروچی اے دستگیریں بلوچ ھچ عدالت ءُ کورٹ ءَ پیش کنگ نہ بوتگ انت۔ بلوچ راہ دربرانی گشگ انت کہ پاکستانی زوراکیں فوج ءَ بلوچ سرڈگار پہ زور بلوچاں چھ پلگ ءِ ھاترا کساس ھفت ھزار بلوچ بیگواہ کتگ یا کشتگ۔ بلے پاکستانی فوج بلوچانی دستگیری ءِ جار پریننگ ءِ رند مدام بے توار بیت ءُ دستگیریں مردماں زاھر نہ کنت۔ گوانک ءِ نمائندہ ءِ گشگ انت کہ اے اولی رند نہ انت کہ تمپ ءِ زالبول ءُ جنین آدماں پہ وتی وارثانی آزاتے ءِ ھاترا ڈن ءَ اتکگ ءُ احتجاج کنگ ءَ انت بلے اے رند ءَ آھاں تمپ، تربت ءُ کراچی یکیں وھد ءَ شدکشی ھڑتال بنا کتگ ءُ گوں نوکیں جزبگ ءُ جوش وتی وارثانی آزاتے ءِ جنگ ءَ در اتکگاں۔ شدکشی ھڑتال نشتگیں زالبولاں پاکستانی فوج ءُ ھاکمانی کارپد ڈوباراتگ انت ءُ میاں اوستانی گلاں گوں دزبندی کتگ کہ آ پاکستان ءِ زوراکیں ھاکماں زور بِدینت کہ آ بلوچستان ءَ وتی رستری کارپداں ھلاس بکنت ءُ بیگواھیں جہدکاراں آزات بکنت۔ |
|||||
