پنجشنبہ 1 مئی 2008 

  ایرانی حکومت ء بلوچ کشی ء خلاف ء تربت ء بلوچ
 جنینانی و بی ایس او ء جنین باسکانی پریس کانفرس
 و احتجاج

دوستین رند/تربت

بی ایس او و بلوچ جنینانی پینلء پنجشمبہء روچء  ایران ء بلوچ کشی و بلوچانی گس
و لوگانی پروشگ ، ورناھانی گرگ و بیگواہ کنگ ءعالم دینانی  پاھو دیگ  خلاف تربت
 احتجاج کت۔
 

رند چہ احتجاج ء پریس کلب تربت ء یک پریس کانفرس کت، و ایرانی انسان دژمنین
رجیم ء بلوچ راج و آئی ء سرڈگار تاراج کنگ ء سک مذمت کت و پھکین انسانی
 پھریزگ ء ادارہ ھان، ایمینسٹی انٹرنشینل و اقوام متحدہ لوٹ کت کہ اے غیرانسانی
کاران کہ ایرانی حکومتء سرپد و دیما بدارنت۔ اگت ایران ھمے وڑ ء بلوچ کشی دیما ببارت
 گڈا ایشیء مکسد ایشنت کہ ایران ء جنگ گون دگنیاہ تمامین بلوچان انت۔  

بانک کریما پریس ء جار جت کہ اگت مغربی ببیت یا مشرقی بلوچستان، بلوچانی کشگ  و بيگواہ
ء مکسد اے حکومتانی بلوچ راج ء جھد ء چہ یک وت مسترین بلوچستان چہ گستا کنگ انت۔
بانوک کریما ء وتی ھمراہ داری گون مغربی بلوچستان جھد کنوکان ھمگامیء ھمدردی ء تران کت۔
 دو بلوچ عالم دین عالم عبدالقدوس ملازھی و محمد یوسف سھرابی پاھو دیگ ء سختین لبزان ایرانء
حکومت میاریگ و بلوج ء قاتل لیکت۔