- Thursday, January 06,
2011
- KICH TURBAT
٭
رپورٹس:نوربلوچ
رپورٹ:۔ بی ایس او آزادءِ بنجاہی باسک قمبرچاکر بلوچءُ بلوچستان
یونیورسٹی کوئٹہ ءِ نودربر اِلیاس نذربلوچ آوارجنگءَ پد کوشءِ خلافءِ
بی این ایمءِ انجمن تاجران تربتءَ زہر شانی جارءِ رداں مروچی بلوچستانءِ
شہر تربتءَ دربندیں ہڑتال اِنت، بیپاری جاہ ، بینک ءُ ٹرانسپورٹ بند
اَنت، انگت گاڑی آنی روگ ءُ آہگ کم اِنت۔ کیچ بار ایسوسی ایشن ءُ مکران
بار ایسوسی ایشنءِ نیمگءَ تربتءِ کسان سالیں نودربرقمبر چاکر ءُ الیاس
نذرءِ گیر قانودی دزگیریءِ پدا کوشءِ ھلافیءَ تربت، ہوشاپءَ ھوریءَ
سرجمیں مکرانءَ آمید گسانی بائیکاٹ کنگ بوھگاں انت ،ہچ وکیل ججانی دیمءَ
پیش نہ بوتگ، کسان سالیں نودربرانی آوارجنگءَ پدا کوشءَ کیچءِ دراھیں
سیاسی ،مذہبی ،ادبی ءُ چاگردی گلاں ایر جتگ ۔
رپورٹ:۔تربتءِ کسان سالیں نودربرانی آوارجنگءُ پدا کوشءِ ھلافءَ مروچی
دومی روچاں اوں کیچءَ سوگءِ سماں انت۔ بی ایس او آزادءِ بنجاہی باسک
قمبرچاکر بلوچ وتی ناکوزتک بی این ایم تربت ہنکینءِ کمک کارگشادارشاد ناصر 26 نومبر 2010 ءَ
چہ گسءَ قانود برجاہ داروکیں کارندہاں آوارجتگ انت. کمبر چاکر گوستگیں
سال 10جولائی2009ءَ آئی ٹی یونیورسٹی کوئٹہ چہ سیکورٹی کارندہا آوارجتگ
اَت، کوئٹہ ءَ آمید گسءَ دراھیں کیس دروگ ثابت بوھگءَ پد آمید گسءَ آ پا
عزت کیسءَ چہ بری کتگ بوت ءُ آ 22 اپریلءَ 2010 اپریلءَ کنگ بوت ءُ بلوچستان
یونیورسٹی کوئٹہ شعبہ کمپیوٹر سائنسئِ نودربر
اِلیاس نذربلوچ دوہفتگ پیسر کوئٹہءَ چہ تربتءَ گسءَ رواگاں بوتگ کہ پسنیءَ مسافربس
چہ ناشناسیں مردمان آوار جتگ ، آئیءِ کہولءَ بہتام جتگ کہ مئے مردم
پاکستانءِ سیکورٹی کارندہاں آوارجتگ ءُ ماراترس انت آہاں جانی تاوان
دئیگ مہ بیت،اے درگت آہانیءِ کہولءَ روانک، شد ہڑتالی بنجل ءُ وڑ وڑیں
زہرشانی درشان کتگ، قمبرچاکر ءُ ارشادناصرءِ کہولےءِ مردماں ڈسٹرکٹ
پولیس آفیسر کیچ ءُ کمشنر مکران ءَ را ں درخواست داتگ کہ مئے مردم چیر
اندریں ادارہاں گپتگ آہاں پٹ ءُ پول بکن ئے اگہ آہاں جرمے کتگ گڑاں
پولیسءِ ھوالہ کنگ بہ بنت آمید گسءَ مقدمہ چلائینگ بہ بیت۔۔ تربت
انتظامیہ ءِ نیمگءَ ھاموشیءِ پد 39اومی روچءِ سہبءَ وھداں قمبرچاکر ءُ
الیاس نذرءِ سراتیر جنگین لاش تربت چہ پیدراکءِ نیمگ ءَ 12کلومیٹرءِ
فاصلہءَ پسنی روڈءِ لمبا چگل داتگ انت بلے قمبرچاکرءِ ھوریءَ
آوارجتگیں نودربرارشاد ناصر انگت بےگواہ انت کہولءِ گشگ انت ماراترس
انت مئے چک ارشاد ناصر اوں جانی تاوان دئیگ مہ بیت۔ قمبرچاکر ءُ الیاس
نذرءِ میت تربت پولیسءُ لیویزءَ زیک سول ہسپتالءَ سرکت انت، گڑاں آہاں
جسم داگ دئیگ بوتگ انت ءُ سرا سہ سہ تیر ئِ ٹپ پربوتگ،ایچ آر سی پی کیچ
آے گامگیج ایر جتگ۔
