دلگـــوش!
بلوچی مۓ وتی شہدیں زبان انت!
ھمے گوستگیں روچانی تہا، "امريکاءِ
توار" (صدای آمريکا-voice of
america)ءِ کارمسترءُ سروک ءَ
جارپرينتگ که آ دلمانگ انت کہ وتی
پروگراماں پہ بلوچی زبان ءَ هم شنگ ءُ
تالاں بکن انت۔۔۔۔
اے گپے گوشگ ءُزاهرکنگ چہ " امريکاءِ
توار"ءِ ذمہ دارانی نیمگا، پہ بلوچی
زباں ءُ بلوچ راجءَ، نیکیں پالے۔
اے جہد، پہ بلوچی زبانءِ ديمرئی ءَ
مزنیں گامگیجءِ بوت کنت ءُ چہ دگہ
نیمگے، بلوچستانءِ اڑءُ جنجالاں پہ
دنیاءِ دگہ کنڈ ءُ دمگاں پیش داریت ءُ
پدرکنت ءُ....
منی دزبندی چہ تمامیں بلوچی رادیو، تی
وی، سیاسے حزب ءُ سازمان، سروک ءُ
رهدربرءُ زانتکاراں
ايش انت کہ مرچیگیں بلوچ راجءِ سکیں
جاورءَ بمارنت ءُ وتی وشی ءُ هژنودی
چہ اے "صدای امریکا" ءِ واهگءَ پيش
بدارنت.
بلوچ جہد کارھرجاگہءَ کہ ھست انت، گوں
امریکاءِ ریڈیوءِ کارمستراں گپ ءُ
تراں کننت، ءُ پيش بدارنت کہ اے کارپہ
بلوچ ءُ بلوچستانءِ آکبت ءَ بازشریں
فیصلۓءُ دلبڈی دیگ بہ بنت کہ ما
پہ ھروڑیں کمک ءُ مدتے تیاریںءُ آهانی
کشءَ اوشتاتگیں۔
دلجمیں گپے کہ ایرانءُ پاکستانءِ زالم
ءُ گداریں واکداراں وتی جہدءَ کن انت
تاں کہ اے کارءِ عملی بيگءِ ديما
بدارانت. بلۓ اگاں ما وتی نزوری ءُ بۓ
وسی پیش کنیں ءُ آهانی دلاں موم
بترینیں، بلکں مۓ بزگیں راجءِ سرا رحم
کن انت ءُ مۓ دژمنانی گپاں مہ گرانت۔
بلوچی زبان سبزبات!
بلوچستان آزات بات!
ک. بلوچ
2011-07-19
