Jan2008

بلوچستان ھور ءُ گوات

6 جولائی، 2026نبیسوک: admin48 بچارگ

  سھ شمبے 2008/1/8

بلوچستان: ھور ءُ گوات' سھ مردم بیگواہ۔

دوستین رند

بلوچستان  ءَ ھور ءُ گواتاں چھ بازیں دمگاں گس روتکگ انت، کورانی ھاراں چھ راہ کسک ھم بند بوتگ انت ءُ یک ٹرک ئے  گوں سھ نپراں ھم آپ برتگ  بیگواہ انت۔

یک شمبے ءُ دوشمبے ءَ بووکیں اے ھوراں چھ مند، تمپ، تربت، بلیدہ، دشت، جیوانی، پیشکان، گوادر ءُ پسنی ءَ چھ ھال انت کہ اے دمگاں باز ھور ءُ گوات بوتگ۔ پسنی ءَ گوات ءَ چھ چار بوجیگ ھم بڈاتگ ءُ درزنی ءَ گیش بوجیگ پرشتگ انت۔ پسنی نیم درزن ءَ گیش گس ھم چہ ھور ءُ گوات ءَ روتکگ انت ءُ تیوگیں شھر ءِ الیکٹرک ءِ نظام ھم تباہ بوتگ۔

گوادر ءَ چھ ھال انت کہ یک ٹرک ئے گوں سھ مردماں دشت ءِ کور ءَ برتگ ءُ انگت ءَ بیگواہ انت۔

بلوچستان ھور ءُ گوات – گوانک