پشمبے 06/12/2007
ڈیرہ بگٹی' ریموٹ کنٹرولڈ بمب ارش، نیم درزن ءَ گیش فوجی بیران ءُ پنچ ٹپیگ۔
میران بگٹی
ڈیرہ بگٹی ءَ سنگ سیلا ءِ دمگ ءَ پاکستانی آرمی ءِ یک فوجی ٹرک ءِ ریموٹ کنٹرولڈ بمب ءَ گوں نشانگ کنگ بوتگ اے ریموٹ کنٹرولڈ بمب ارش چھ نیم درزن ءَ گیش فوجیانی مرگ ءُ پنچ فوجیانی ٹپیگ بووگ ءِ ھال انت دومی نیمگ پاکستانی ہکومت ءَ ھم اے بمب ارش راست گشتگ بلے اے ارش ءَ گوں مروکیں فوجیانی ھساب یکے زائر کتگ ءُ چار ٹپیگ گشتگ۔ بلے دمگ ءِ مردمانی گشگ انت کہ پاکستانی فوج ءِ سھ گاڑیانی کانوائے سر ءَ اے ارش ءَ گوں یک گاڑی ءِ سرجم ءَ بمب ءِ زد ءَ اتکگ ءُ گاڑیاں سواریں بازیں فوجیانی لاشانی ٹککر بال گپتگ ءُ دور دور ءَ کپتگ انت۔ گاڑی ھم سرجم ءَ تباہ بوتگ۔ ھودا ڈیرہ بگٹی ھسپتال ءَ چھ مردمانی گشگ انت کہ پنچ ٹپیگیں فوجی ھسپتال آؤرتگ اِش ءُ اشانی جاور ھم باز ھراب انت۔ ۔
