پشمبے 2007/12/20
نوشکی' بی آر اے ءِ ارش، دو ایف سی نپر بیران، سوئی ءَ گیس پائپ لائن تباہ
یلان مری/میران بگٹی
نوشکی ءَ بلوچ سرمچاراں ایف سی ءِ کیمپ ءِ نزیکا ارش کتگ ءُ دو ایف سی نپر گشتگ۔ اے ارش مرچی نوشکی ءَ ھما وھد ءَ بوتگ وھد ایف سی ءَ نپر بازار ءَ گشت ءَ رند وتی کیمپ ءَ راوگ ءَ بوتگ انت۔ اے ارش ءَ گوں ایف سی ءِ ھر دویں نپر خادم حسین ءُ مظہر حسین مرتگ انت۔
ھودا سوئی ءَ چھ ھال انت کہ سوئی ءِ بیست ءُ چار انچ ءِ گیس لائن نامعلومیں مردماں گوں بمب ءَ تباہ کتگ ۔
بلوچ ریپبلکن آرمی ءِ جارچین سرباز بلوچ ءَ ریڈیو گوانک ءَ فون کتگ ءُ سوئی ءُ نوشکی ءِ ھر دویں ارشانی ذمہ واری قبول کتگ۔ سرباز بلوچ گشتگ کہ بلوچ سرمچارانی ارش ھما وھد تاں برجاہ بنت داں پاکستان ءِ قبصہ گیریں فوج چہ بلوچ سرڈگار ءَ ڈن در نیئت۔
