چار شمبے 2007/12/19
ریل کزا آماچ' پنجا بیران ءُ دو سد ٹپیگ
دوستین رند
کراچی ءَ چھ لاھور ءَ راؤکیں کراچی ایکسپریس نوشہرہ فیروز ءِ دمگ ءَ کزا آماچ بوتگ انگتی ہالانی پدا پنجا نپر مرتگ ءُ کساس دو سد ٹپیگ بوتگ۔ مردمانی گشگ انت کہ اے ریل گوں باز گشادی ءَ پنجاب ءَ راوگءَ بوتگ کہ نوشہرہ فیروز ءِ دمگ ءَ پٹڑی ءَ ایر کپتگ ءُ اشیءِ چاردہ بوگی چپ بوتگ انت۔ اے کزا ءِ ٹپیگ نزیکیں نادراہ جاہ برتگ انت اش۔ اے کزا چوں ءُ پرچہ بوتگ انگت ءَ پاکستانی ھکومت بے توار انت۔ چد ءُ پیسر چشیں گیشتریں کزا بلوچستان ءُ سندہ ءِ جہدکارانی سرا لڈگ بوتگ انت۔
