ڈرانڈیھ بوتگین بلوچانی مالی مدت کنگ ء جار
یلان مری جعمہء روچء شالء بلوچ نیشنل فرنٹ ء مرکزی کمیٹی نیمگ ء پریس کلبء یک پریس جارے جت، وچہ دگنیاء انسانی حقوقانی ادارہ و بلوچ راج و تمام انسان دوستین مھلوکان ڈرانڈیھ بوتگین ڈیرہ بگٹی و کوھستان مری ء دمگانی بلوچانی مالی مدت و بنی آدمانی حقانی پانک جنگ ء بلوچ نیشنل فرنٹ ھواری ء ھمتوار بہ بنت۔ بلوچ نیشنل فرنٹ ء مرکزی کمیٹی ء باسکان خلیل بلوچ و آصف بلوچ گواشت کہ ڈرانڈیھ بوتگینانی میانء بدین جاور گون گوانڈین زھگان و کماشان گیشتر گندگ بیت ایشانی مزین بھرے گٹانی، لاپی و پوستی نادراھیانی آماچ انت، بلوچ نیشنل فرنٹ ء بلوچ یونائیٹید فرنٹ ء منت گپت کہ آئی مۓ جار ء ھمتوار بوتگین اولیگین شریک انت کہ وتی ڈرانڈیھ بوتگین بلوچانی مدتء وتی جوازتء ھر وڑ اوشتاتگ۔ بلوچ یونائیٹید فرنٹ غیر سیاسی و سماجی گل ایت کہ خلیجی ومغربی ملکانی نندوکین بلوچانی ھمت و مدتء دودربیدگی ، سماجی و انسانی حقوقانی پاھیزگ وتی چن و لانچ ء گلائیش انت۔ ڈرانڈیھ بوتگین بلوچانی مالی مدت ءابید دیگھ لوٹ ایش انت مالی مدت کنگ ء واسطہ زوتان یک بینک ء اکاؤنٹ ء دیگ بیت۔ اے متاثرين مھلوک ء بازین چيز پکارانت علاجء حاترا ميڈيکل کيمپ دوا و درمان ورگي سا پین آپ وردن و وراک کالين کمبل و بستر پہ گورا کنيگا پوچ وپوشاک پہ چکاني وانگ و زانگء حاترا کلم کتاب کاپي بلوچ نيشنل فرنٹ ملکي او بين الاقوامي انساني حقوق تنظيم وريڈ کراس, یونيسيف, جمہوريءِ ملکاني رضا کارین گل و تنظیمان ء مردمان چہ دز بندي کنت کہ آہ ڈيرہ بگٹي کوہلو و کاہانء در پہ درین و درآنڈيہ بلوچانی مدت وکمک ء بہ کنت
پریس کانفرس ء تھا میر ڈاکٹر خالد بلوچ شھید ء پا بلوچستان ء
آجوی ء جھد ء عظیمین سرمچار
ء دیما برگء تران بوت۔
