من نزانان کہ پاکستان پرچہ منی چک

آدینگ 16  مئی 

من نزانان کہ پاکستان پرچہ منی چکا ایران ئے حکومت ء دست دیگ ء انت۔  غلام حیدررئیسانی ء مات

یلان مری شال مروچی 15 مئی ء غلام حیدر رئیسانی ء مات و چکان و  لوگ بانک ء پاکستان ئے وزیر داخلہ اے لوٹ ء پدا  کہ غلام حیدر رئیسانی ءایران ئے حکومت ء دست  دیگ  ء خلاف ء شال ئے پریس کلب ء گون پریس کانفرس ء احتجاج کت  و غلام حیدر رئیسانی ئے مات ء گواشت کہ منی چک پاکستان ء  باشندہ انت ایشی گواستگین سال ء تربت ء دستگر کنگ رند عدالت ء  بیگناہ ثابت بؤاگ ء رند انگت پاکستان ئے قید انت، انون پاکستان ئے  حکومت نزانان پرچہ بلوچ ئے بھا کنگ و بلوچ دشمنی ء گلائیش انت، کہ ایران ھزاران دیگہ بلوچ ورناھانی وڑا  غلام حیدر رئیسانی دار ء بہ جن انت۔   غلام حیدر رئیسانی ء مات گون ھاس بلوچستان ء وزیرانی سر مسترنواب لشکری رئیسانی ودگنیائے انسانی حقوقانی پھریزوکین گل و پارٹی ھان لوٹ کت کہ غلام حیدر رئیسانی  چہ ایران ئے دست ء دیگ ء بہ رکھین ایت، پرچہ کہ غلام حیدر رئیسانی یک پاکستانی باشندہ ئے اگت آئیء جرم ئے کتگ، عدالت آئی ء سرا مقدمہ بہ کنت نہ کہ پاکستان غلام حیدر ءایران ئے  دست بہ دنت و  بلوچ کشی ء ایرانی رجیم ء ھور بہ بیت۔